Articles les plus consultés

mercredi 25 mai 2016

Occitania, qu'es aquò ? (Occitanie, qu'est-ce que c'est ?)





Une brève histoire de notre pays.

La Nation Occitane

Imalàia en langue occitane



Découvrez en DVD ce documentaire réalisé par Mark Fletcher (Natural World BBC), doublé en langue occitane par Conta'm.
La chaîne de l'Himalaya étire sur près de 2800 kilomètres au travers de l'Asie, une formidable muraille de

LO FUTUR DEU TRANSPÒRT

LO FUTUR DEU TRANSPÒRT
0

LO FUTUR DEU TRANSPÒRT    


A Las Vegas qu’estó presentat un tipe de dròne revolucionari. L’enterpresa que’u presentè, la companhia shinesa EHang, que voló auherir un dròne que poderé estar, de segur, lo futur deu transpòrt. Aqueste qu’a las dimensions d’ua veitura e que fonciana dab ua aplicacion (app). Tà díser d’un aute biaish, que pòt transportar personas shens pilòt.
Atau, lo futur de l’aviacion e de l’automobila tanben e poderén passar per aqueth dròne, aperat simplament 184. Lo prototipe, equipat de quate motors e en bèth pesar 440 liuras, ne necessita pas
sonque tà volar qu’ua aplicacion que cadun e pòt aver suu telefonet. En efèit, aqueste n’a pas comandas manuaus e pr’amor d’aquò n’ei pas necessari d’aver tà ua persona transportada, un permís quin que sii, tà’u miar.
Aqueth dròne qu’estó creat en pensar que lo futur de las veituras volantas qu’ei, uei, incèrt, pr’amor deus govèrns e las companhias d’aviacion, qui vòlen reservar aqueth tipe de vehicules a las personas
titularas deu brevet d’aviacion, un papèr hèra mauaisit e car d’obtiéner.
Qu’ei pr’amor d’aquò que los shinés an volut har un dròne totaument desparièr e qui ne necessita pas de permís aeronautic. Lo dròne qu’arriba, que cuelh la persona e aquesta qu’anarà on volhi, pr’amor aquera maquina qu’ei com un taxi, mes volant. E s’i a quauquarrés tà pensar aquò perilhós, qué pensar lavetz de las veituras telecomandadas, qui’s tròban dejà per las rotas deus Estats-Units, patronadas per Google ?
La fin deus monopòles aeronautics
Las companhias aeronauticas de tot lo planeta que son un grop de pression, qui n’acceptarà pas que lo monde agin ua veitura volanta – dejà inventada – a un nivèu de massa. La presentacion deu dròne
shinés 184 que ns’amuisha totun un defaut : com ei electronic, la soa bateria n’a pas sonque 23 minutas o 10 milas d’autonomia, çò qui poderé estar temporari. Mes qu’ei electric, çò qui vòu díser nada emission de gas en l’atmosfèra e nada pollucion.
Lo problèma que’s pausa subretot au nivèu legislatiu, pr’amor las leis qui enquadran uei los traspòrts ne son pas estadas hèitas per un dròne d’aqueth tipe. Mes que podem pensar que dab ua bateria mei bona e un prètz a portada de cadun, lo dròne 184 e poderé estar lo futur deu transpòrt deus umans. Que demoram en l’espèr de véder un dia aqueth dròne-aplicacion foncionar.
Christian Andreu

mardi 24 mai 2016

LEIS OMININS D’ATAPUERCA ÈRAN NEANDERTALIANS

LEIS OMININS D’ATAPUERCA ÈRAN NEANDERTALIANS    

Despuèi 1984 s’an fach d’excavacions contunhas en Atapuerca e a la Sima de los Huesos (Trauc deis òsses). E s’an poscut recuperar fins a 28 esqueletas entieras d’individús que demorèron en Euròpa fa 430.000 annadas. Tanta informacion aviá d’èstre provada geneticament. Faliá saber s’aquestos ominins èran familha de neandertalians o de denisovans. E ara, un estudi dau sieu ADN v’a descobèrt.
8150_1
Fins encuei non se sabiá se l’ominin que demorèt a Atapuerca èra neandertalian ò denisovan.

La recerca scientifica es estada facha per Mathias Meyer, cap d’una còla d’antropològs de l’Institut Max Planck d’Antropologia Evolucionaria. E la conclusion es qu’èran mai familha de neandertalians que non dedenisovans. Ansinta, s’es prepausat de lei classificar coma ancians neandertalians e s’es vist que la sieuna preséncia pendent lo Plestocèu Mièg foguèt importanta per lo desenvolopament posterior de neandertalians en Eurasia tota.
L’estudi s’es vist publicat dins la revista Nature e a poscut determinar que leis ominins de Sima de los Huesos, un dei sites arqueologics mai grands e importants de la planeta tota, èran lei premiers neandertalians que l’aguèron en Euròpa. Lei divergéncias entre espècias se debanèron doncas davant de fa 430.000 ans.
Aujòus de neandertalians
“Avèm agut sequéncias d’ADN de dos individús que confirman que leis ominins de Sima de los Huesos èran mai pròchis de neandertalians que non de denisovans – çò diguèron lei scientifics -. Aquò es una pròva que la divergéncia coma espècias entre neandertals e denisovans es pus anciana que 430.000 ans “.
08d35-homoheidel_22_h-300x191
Geneticament, la desparietat entre lei doás espècias umanas començèt fa mai de 430.000 ans.

Pasmens Svante Pääbo, de la còla scientifica qu’a fach aquest estudi genetic prepausa qu’aquesta divergéncia benlèu se debanèt fa entre 550.000 e 750.000 ans. Aquesto temps seriá la desparietat entre umans modèrns e ancians.
En delai d’aquò, la còla d’antropològs de l’Institut Max Planck a vougut soslinhar que, maugrat que l’isolament genetic èra una pròva fòrça malaisida de far, lo bon estat deis òsses trobats e lo bon trabalh deis arqueològs pendent leis excavacions an ajudat fòrça per far leis analisis geneticas.
La Sima de los Huesos es un site arqueologic a Atapuerca, estat espanhòu, que l’an trobat mai de 7.000 fossils d’ominis e divèrsas esqueletas entiera. Se fins encuei èran nomenats coma ominins d’Atapuerca ara ja pòdon èstre nomenats fin finala coma de neandertalians.
Redaccion

mardi 17 mai 2016

la denaturacion de Montsegur

(Òc) D’unes projèctes « d’amainatjament » se precisan sul siti de Montsegur. Per nosaus, Montsegur es pas un siti istoric ordinari. Se tracha d’un santuari e tanben d’un cementèri. La tragedia que s’i debanèt cogís de nòstra part : memòria, respècte e umilitat. Montsegur demòra un questionament contemporanèu e universal. Aparten a totes. D’uèi e de totjorn, lo siti tira sa fòrça del silenci e de l’estat natural que ne fan un quadre incomparable. Montsegur es viu de mercés la libertat de los que, al debanar de l’an, i venon posar a la sorga.
Aquò’s la rason per la quala demandam :
-      que tota construccion, se se deu bastida, demòra invisibla dins la perspectiva actuala del siti.
-      que l’accès al Prat dels Cremats e al monument demòre liure e a gratís per totes, e aquò lo sanclame de l’an.
Deguns comprendriá pas que calgue pagar per accedir als monuments als mòrts de nòstras vilas e als cementèris. Siem aicí dins la meteissa situacion. 

(Fr) Projects "development" will specify the site of Montsegur. For us Montsegur is not an ordinary historical site. It is a sanctuary, as well as a cemetery. The tragedy that is played it calls on our part: memory, respect, humility. Montsegur remains contemporary and universal questioning. It belongs to everyone. The site now draws strength from silence and naturally melts it an incomparable setting. Montsegur is living by the freedom of those who, throughout the year, come to draw from the source.This is why we ask:- Any construction, if sustained, remains invisible in the current perspective of the site.- That access to the Prat dels Cremats and stele is free and free to all, and throughout the year.Because no one would understand that the memorials of our cities and cemeteries have paid access. We are here in the same situation.
             

 Montségur / Defugiguem 

la denaturacion de Montsegur